ROXAS CITY – Wala gin-ekspektar ni Sheena Mae Patricio Olimba, kabahin sang Team Philippines, nga magapauli ini sang mga medalya sa nagtakup nga live competition sang World Championships of Performing Arts (WCOPA) sang Hulyo 22 tubtob 30, 2022 sa Anaheim, California.
Sa ginpakigbahin nga eksperyensiya sang 31-anyos nga tumandok sang Casanayan, Pilar, suno diri nga ‘handom kag dumot’ sini ang makapasakup sa pangkalibutanon nga kompetisyon.
Nakalab-ot sa semi-finals si Olimba kun sa diin nakabaton ini sang Bronze medals sa Group production, Jazz kag Original Works, Silver medal naman para sa Latin kag 2022 Overall Champion of the World Division winner para sa Broadway kag Country nga may gold medals para diri.
Nahibaluan nga kabahin man sang Team Philippines ang duha pa ka Singing Capizeña nga sanday Maybelle Villan sang Dao kag Coleen Mae Dumol sang Roxas City.
Magluwas sa iya pamilya, indi na maisa-isa ni Olimba ang tanan nga mga nagsuporta sa iya kag sa team Pilipinas sa tumalagsahon nga kahigayunan.
Nagapati ini nga sa pag-abot sang handum, importante nga may yara sang support system kag kinahanglan nga himuon mo ang tanan nga imo masarangan kag itugyan sa Makaako ang iban.
