ROXAS CITY-Ginbawian na sang kabuhi ang isa sa mga driver nga imbolbado sa natabo nga bungguanay sang mga motorsiklo sa Barangay Dayao, Roxas.
Nagpadulong sa Roxas City Police si Angelita Devera agud ipabalhag nga anak sini nga si Angelo Devera ang ginbawian na sang kabuhi samtang ginabulong sa opsital .
Matandaan nga sandig sa nakuha nga impormasyon sang Bombo Radyo Roxas, hinali nga nagliko ang isa ka Pajero nga salakyan nga may plate number nga ABL 1378 kabangdanan nga wala gilayon makita ni Devera ang kasugata sini nga motorsiklo nga ginamaneho ni Lozano rason nga nagluntad ang pagbungguanay.
Bangud sini nag-angkon sang mga kapilasan ang nasambit nga mga persona nga madasig man ginpangdala sa magkatuhay nga mga ospital agud dapatan sang nagakaigo nga pagbulong.
Padayon pa sa karon ang imbestigasyon sang mga kapulisan sa nagluntad nga aksidente.
Samtang padayon pa nga ginabulong sa ospital ang duha ka mga samaron nga sanday
Rizaldy Lozano 22-anyos driver sang Rusi 125 kag backrider sini nga si Eugen Villanueva 20-anyos lunsay mga pumuluyo sang Sitio Sakup Barangay Culasi sining syudad.
