Isa ka tumalagsahon nga istorya ang nagpabilib sa madamo nga mga netizen pagkatapos nga ang isa ka isda nakalampuwas sa sulod sang anum ka bulan apisar nga katunga nalang sini ang iya nga lawas.
Ang isda nga ginhingadlan “I-half” ang nakit-an sa isa ka merkado sa Ratchaburi sang 36-anyos nga si Watchara Chote.
Ginapatihan nga nautod ang iya ikog kag likod nga bahin sang iya lawas samtang nagapalagyo sa konkreto nga fishpond.
Bangud sa tumalagsahon nga ikasarang sini nga mabuhi sa pihak sang grabe nga pilas, gindala ni Watchara ang isda sa nagkalain-lain nga lugar agud makita sang publiko kag magserbe nga inspirasyon sa kadam-an.
Sang ulihi, napatay ang isda samtang ginadala sa biyahe.
Bilang paghatag sang pasidungog, nagbululigay pa ang iban nga mga pumuluyo sa paghatag sang kuwarta agud ibutang si “I-half” sa isa ka gamay nga lungon.
