MANILA, Philippines – Nakapasar ang kapin ka 3,004 sa 9,745 ka Certified Public Accountant ukon “CPA”, sang board examination suno sa Professional Regulation Commission “PRC” subong nga Mayo 02, 2026.
Sa naguwa nga resulta nahibaluan nga ang examinations ginhiwat sa bug-os nga testing centers sa Metro Manila, Baguio, Butuan, Cagayan de Oro, Cebu, Davao, Iloilo, Koronadal, Legazpi, Lucena, Pagadian, Pampanga, Rosales, Tacloban, Tuguegarao kag Zamboanga.
Samtang si James Al Alcayde Serondo sang University of the Philippines – Diliman nakuha ang rank 1 nga may 91.17 percent.
Ginsundan top 2 Miko Andre Reyes Villenas sang Southern Luzon State University – Lucban nga may 91 percent, kag top 3 Jonathan Eurich Lo Go sang De La Salle University – Manila nga may 90.83 percent.
Sa karon nahibaluan nga ang PRC, nag-anunsyo nga ang mga resulta sang walo ka examinees temporaryo nga gin-withhold bangud sa naga-padayon nga imbestigasyon parte sa posible nga paglapas sa pagsulundan sang examination.
