Liwat nga magahampang sa One Championship ang Pinay mixed martial artist nga si Islay Erika Bomogao sa Enero 10.
Makasambuwa sang Igorota Muay Thai fighter ang Chinese fighter nga si Ran Longshu sa idalom sang 101-pound catchweight Muay Thai.
Ang bakbakan sa tungan nanday Bomogao kag Longshu ang isa sa 12 fights nga nakalinyada sa Enero 10.
Pagahiwaton ang nasambit nga sambuwa sa Lumpinee Stadium sa Thailand.
Matandaan nga sini nga ulihi nga quarter sang 2024, nangin world number 1 si Bomogao sa 45kg female elite division sang International Federation of Muaythai Associations (IFMA).
Siya ang labing-una nga Pinay nga nakakuha sa nasambit nga award.
Antes ang pagsulod sini sa One Championship, naghanas ini kaupod ang iban nga dalagkuan nga Filipino MMA fighter kasubong nanday Edward Folayang kag Geje Eustaquio.
