Gin-reject sang Israel ang 15-point Gaza deal nga ginduso ni US President Donald Trump sa tunga sang nagapadayon nga tensyon sa Middle East.
Suno kay Israeli Prime Minister Benjamin Netanyahu indi magpatigayon sang military withdrawal ang Israel sa Gaza tubtob indi ma-disarmahan ang Hamas.
Samtang, nagpabutyag sang pag-ugyon ang Hamas sa roadmap para sa Gaza kag nagalaum nga magabulig ang mga mediators kag ang Estados Unidos sa pagpatuman sini.
Magluwas sa Gaza, gin-istoryahan man sang Iran kag Oman ang pagdumala sang Strait of Hormuz, isa ka bagay nga mahimo makaapekto sa mga ruta sang barko.
Sa Yemen, ang mga rebelde nga Houthi nga ginasuportahan sang Iran naglunsyar liwat sang pag-atake sa isa ka pantalan kag nag-angkon nga ginpuntirya nila ang isa ka oil facility sa Saudi Arabia.
