Nagpatigayon sang nagkalain-lain nga seremonya kag protesta sa nagkalain-lain nga lugar sa Israel para sa pagdumdom sang ikatatlo nga tuig sang pag-atake sang Hamas.
Sang Oktubre 7, 2023, gin-atake sang armado nga grupo nga Hamas ang mga komunidad sa Israel nga malapit sa border sang Gaza.
Sa amo nga pag-atake, kapin sa 1,200 ka tawo ang napatay kag 251 naman ang gindakop kag ginkulong sang grupo.
Nagtambong man ang mga pamilya sang mga napatay sa Re’im Forest, ang lugar nga ginpatigayonan sang Nova festival, kun sa diin 370 ka tawo ang napatay kag 44 ang gindakop.
Naghalad man sang mga bulak si Israeli Prime Minister Benjamin Netanyahu sa Mount Herzl Cemetery sa Jerusalem.
Suno kay Netanyahu, indi sila mag-untat sa ila pag-atake sa Gaza tubtob nga matapos ang ila operasyon batok sa Hamas.
