Nagkasugot na ang Hamas kag Israel sa ceasefire deal kag ang paghilway sa mga bihag nga yara sa Gaza.
Ang nasambit nga kasugtanan ginpatigayon matapos ang meeting sa opisina sang Qatari Prime Minister Sheikh Mohammed bin Abdulrahman bin Jassim al-Thani.
Separado nga gin-meeting sang Qatari Prime Minister ang mga representatives sang Hamas kag Israel kun sa diin pareho sila nga nag-ugyon sa nasambit nga kasugtanan.
Nakasaad sa amu nga kasugtanan ang paghilway sa 33 nga mga bihag sang Hamas sadtong ginlusob nila ang Israel sang Oktubre 7, 2023.
Kabaylo sini, pagahilwayon man sang Israel ang pila ka gatos nga priso nga Palestino.
Kun dalayon na nga i-anunsiyo ang nasambit nga kasugtanan, mahimo na nga makabalik sa northern Gaza ang mga Palestino nga sibilyan. Matandaan nga ginpangunahan sang US kag pila ka mga pungsod kasubong sang Egypt kag Qatar ang pagiging mediator agud dalayon na nga maubntat ang giyera sa tunga sang Hamas kag Israel.
