Nag-ugyon na ang Israel kag Hezbollah nga ibalik ang ceasefire sa pihak sang mga nauna nga paglapas sa nasambit nga kasugtanan.
Natuman ang bag-o nga kasugtanan matapos nagpatunga ang Estados Unidos sang Amekika kag may yara sang hugot nga mga kondisyon para sa magtimbang nga bahin.
Ang mga kondisyon nagalakip sang pag-atras sang Hezbollah sa Northern Litani River, samtang ang Israel amat-amat nga magabuhin sang iya mga tropa sa Southern Lebanon kag magbalik sa bahin sang iya border.
Samtang, ang Lebanese Armed Forces kag United Nations peacekeeping troops ang pahanugutan nga madestino sa buffer zone sa southern Litani River.
Bangud sa nasambit nga kasugtanan, linibo na ka mga residente ang nakapauli na sa ila mga puluy-an.
Apang, nagapabilin nga fragile ang sitwasyon bangud sang mga report sang pagbayluhanay sang lupok kag pag-atake sang drone sa tunga sang duha ka bahin pagkatapos nga nag-epekto ang ceasefire.
