Gin-atake sang Israel kag Estados Unidos ang Iran, suno sa Israel Defense Ministry kag kay US President Donald Trump.
May mga pagsigabong sa Tehran kag pila ka mga lugar nga malapit sa opisina ni Supreme Leader Ayatollah Ali Khamenei.
Gin-atake man ang mga puluy-an kag opisina sang mga lider sang Iran kag pila ka mga nuclear facility sa Qom, Karaj, Kermanshah, Lorestan, kag Tabriz.
Nagdeklara na sang state of emergency ang Israel kag ginpasirado ang airspace para sa civilian flights.
Ginsiling nga gin-umpisahan na sang US at Israel ang “major combat operations” sa Iran, samtang ginpahanumduman ni Trump ang mga sibilyan nga magpanago kag ang militar sang Iran nga i-surrender ang ila nga mga armas.
Nahibaluan nga antes paman ang atake, nagpadala na ang US sang barko kag eroplano sa Middle East kag ginpilit ang Iran nga makig-hinuna-anon natuhoy sa nuclear program. Madamo man sang mga pungsod ang nag-abiso sa ila nga mga pumuluyo sa Iran nga temporaryo anay nga mag-evacuate bangud sa nagataas nga tensyon.
