Israel, naglunsyar sang airstrike kag ground fire sa Southern Lebanon

Nagapadayon ang tensyon sa Middle East pagkatapos nga ang Israeli military naglunsyar sang airstrike sa banwa sang Khiam sa Southern Lebanon.

Magluwas sa pagpamomba, ginapahayag nga ginpuntirya man sang mga soldado sang Israel ang lugar gamit ang mga heavy machine gun nga nagtuga sang tuman nga kahalitan kag kahadlok sa mga pumuluyo sa komunidad.

Suno sa report, nagapadayon ang operation sang Israel sa kaingod nga mga lugar pagkatapos sang pagpalupok sang machine gun sa Wadi al-Hujeir valley kag sa Ghandouriyeh.

Sa subong, wala pa sang kumpirmado nga report sang casualties ukon injuries, samtang padayon nga ginamonitor sang mga otoridad ang sitwasyon sa tunga sang nagalala nga tensyon sa tunga sang Israel kag mga grupo sang southern Lebanon.