Gin-anunsyo sang Israeli military nga nagapadayon ang ila mga operasyon batok sa mga katapo sang Hezbollah kag sa mga imprastraktura sini sa Southern Lebanon, sa pihak sang ceasefire agreement sang US-Iran nga nagatuyo sa pagpauntat sang mga pag-atake sa pungsod.
Suno Israeli military, nakahimo ini sang madamo nga airstrikes sa southern Lebanon, nga suno sa ila kabahin ini sang ila sabat sa sulit-sulit nga paglapas sang Hezbollah sa ceasefire.
Base naman sa report sang National News Agency sang Lebanon, indi magnubo sa 16 ka tawo ang napatay sa pinakaulihi nga pag-atake, samtang madamu naman ang napilasan kag nadula sa nagkalain-lain nga bahin sang Nabatieh district.
Samtang nagalala ang tensyon, liwat nga nagapanawagan ang pila ka mga lokal nga opisyal para sa gilayon nga pag-untat sang inaway kag pagbalik sa diplomasya agud malikawan ang mas malapad nga krisis sa rehiyon.
