PRESIDENT ROXAS – Mabaskog ang pagpati sang alkalde sang President Roxas, Capiz nga may lamud pamulika ang mga isyu nga ginabato sa iya ni SB member Bojit Bieles.
Ginpahayag ni Mayor Receiste ‘’Tanoy’’ Escolin nga para sa iya indi problema kun duha ang Certificate of Completion and Acceptance, bangud ang importante nga antes ginbaton ang proyekto, natapos na ini sang contractor.
Suno pa sa opisyal nga indi pa kabahin sang Sangguniang Bayan sang President Roxas si Bieles sang gin-aprubahan ang P100 million nga loan para sa pagtukod sang bag-o nga merkado publiko.
Ginsabat man sini ang ginapangita ni Bieles nga feasibility study sang amo nga proyekto.
Ginpahayag ni Escolin nga indi pag-aprubahan sang banko ang ila loan kun wala sang feasibility study sa proyekto.
