Ginkalingawan sa social media ang isa ka post may kaangtanan sa isa ka lalaki nga ginhungitan samtang yara sa online job interview.
Sa Facebook post sang Reddit, ginpakigbahin nila ang istorya sang Reddit user nga may pangalan nga “TheFunTita” nga amu ang nag-interview sa nasambit nga lalaki.
Suno sa iya, gina-require niya ang mga aplikante nga buksan ang tagsa nila ka mga camera samtang yara sa interview.
Apang, ginkakibot sini nga may nag-eksena sa frame nga kutsara nga may kan-on kag sud-an nga nagderetso sa bibig sang amu nga lalaki, kag naukyan man ini.
Dugang pa sini, natulala ang amu nga lalaki samtang naga-nganga pa kag kaangay indi sini bal-an kun mahungit pa ukon masabat na sa iya nga interview.
Sa pihak nga bahin, ginsiling pa sini sang amu nga user nga sya nga yara sa pihak nga linya, ginapunggan nya ang iya nga kaugalingon nga magpatawa.
Nabatian pa sini ang istoryahanay sang amu nga lalaki kag kaupod sini nga babaye kaangay ginapauntat sang lalaki ang paghungit sa iya bangud nga may kaistorya pa suno ini sya.
Samtang, wala mahangpan sang babaye ang hambal sa iya sang amu nga lalaki kag ginhungitan pa ini liwat, apang madasig ang kamot sang lalaki kag ginpunggan ini.
Wala naman suno sa iya nagpangyo sang pasaylo ang aplikante kag nagpakuno-kuno nalang nga wala sang may natabo kag ginsabat ang iya sini nga mga pamankot.
Pagkatapos sang interview, naghinyo sang feedback ang amu nga lalaki sa employer kag gin-istoryahan nila ang amu nga hitabo kun sa diin pareho sila nga nagharakhak.
Ginbubo naman sang makahalam-ot nga komento sang mga netizens ang amu nga post kun sa diin nagsiling pa ang iban nga “Ung nagiinterview ka lang tapos bigla ka naiinggit” kag “I was expecting a different kind of subo”.
