-- ADVERTISEMENT --
IVISAN, CAPIZ – Ginsabat sang Chief sang Women and Children Protection Desk (WCDP) section sa Ivisan Municipal Police Station ang reklamo sang 19 anyos nga babayi nga alegar ginpaguha sa karsel ang live-in partner nga nagkuga kag nagbusal sa iya sa Ivisan Capiz.
Aminado si Police Staff Sergeant Cristina Polonan, head wcpd section Ivisan Municipal Police Station, nga ginrelease ang live-in partner sang biktima apang gin-athag sini nga indi ini mapreso sang madugay bangud kay indi arestado ang nasambit nga persona.
Samtang ginpanindugan ni Police Staff Sgt. Polonan nga yara na sa discretion sang mga kapulisan kun ihilway sa karsel ang persona sa tion nga namutikan nga wala na ini sa impluwensya sang makahulubog nga ilimnon.
