James Reid, ginpahayag nga napierde siya sang P150-M sa palpak nga negosyo nga iya ginsudlan upod sa iya anay business partner

Ginbuyagyag sang aktor kag singer nga si James Reid nga ginabulubanta P150 million ang iya napierde matapos ginaalegar may problema sa isa ka negosyo nga iya ginsudlan upod sa iya anay business partner.

Suno kay Reid, tuman ang iya pagsalig sa iya anay business partner nga ginaalegar may daku nga kontrol sa mga galastuhan kag operasyon sang ila kompaniya.

Bisan pa wala niya ginhingadlan ang amo nga indibidwal, ini may kaangtanan sa mga isyu sa Careless Music kag sa Wavy Baby Music Festival sang 2023.

Samtang, ginpahayag ni Reid nga dako nga suporta sa iya ang iya nobya nga si Issa Pressman sa pihak sang kabudlayan.