Matapos makit-an nga naga-uyatay sang kamot sa isa ka fun run, ginpanginwala sang aktor nga si Jameson Blake ang mga huring-huring nga may relasyon siya sa aktres nga si Barbie Forteza.
Suno kay Blake, ginaalalayan lang niya si Forteza paguwa sa event bangud tuman kadamo sang tawo.
Nagtuhaw ang espekulasyon matapos sila nakit-an nga magkaupod sa isa ka fun run sa Pampanga sang Hunyo, kag una na nga nag-upod sa “Takbo para sa Pelikulang Pilipino” sang Mayo.
Sa subong, wala pa sang ginpaguwa nga pahayag si Forteza angut sa amo nga isyu.
Samtang nangin talk of the town man si Forteza matapos nakit-an upod ang ex-boyfriend nga si Jak Roberto sa isa ka event sadtong Hunyo.
Gin-athag man sang aktres nga indi na niya luyag istoryahan ang ila pagbulagay bilang pagtahod sa ila nagligad nga nangin magkarelasyon.
