Preparado na ang Jamindan Municipal Police Station para Binuligay Festival 2026.
Sa interview sang Bombo Radyo kay Police Captain Peter John Celino, Officer in Charge sang Jamindan Municipal Police Station, iya ginpahayag nga nagtukod sila sang Task Force Binuligay 2026 kun sa diin involved ang tanan nga ahensya sang bug-os nga banwa sang Jamindan.
Suno kay Police Captain Celino, may yara sang nagkalain-lain nga grupo nga igadesignar kaangay sang peace and order group, medical and emergency group kag traffic and security group.
Pahayag pa niya, may mga checkpoint man sila nga ginapatigayon agud masiguro nga wala sang mga malain nga aktibidad ang mabuhat samtang nagapadayon ang kasadyahan.
Nahibaluan nga nag-sugod na subong nga adlaw ang Binuligay Festival kag magatapos sa Enero 20.
Nagpasalig man ang natungdan sa tanan nga magatambong nga siguruhon sang ila talatapan ang kahilwayan kag seguridad sa palibot sang bug-os nga banwa.
