Ginpakigbahin sang aktres nga si Janine Gutierrez nga bisan pa madamo na siya sang nagkalain-lain nga mga character sa mga nagliligad nga tinuig, mas nakatutok na siya subong sa iya handom nga makasulod sa International Films.
Suno kay Janine, wala siya sang partikular nga dream role apang luyag niya nga magtrabaho upod sa mga direktor nga iya ginadayaw kaangay nanday Erik Matti kag Jerrold Tarog.
Suno sa aktres, isa sa iya handum amo ang mangin kabahin sang mga Filipino films nga ginapasalida sa international film festivals kag global streaming platforms.
Magluwas sa pag-arte, ginpahayag man ni Janine nga luyag niya nga magsulod sa produksyon sang mga proyekto sa palaabuton.
Dugang pa ni Janine, isa sa iya una nga tinutuyo bilang isa ka producer amo ang paghimo sang documentary parte sa iya lola nga si Pilita Corrales.
