Janine Gutierrez, nagafocus sa handom nga makasulod sa International Films

Ginpahayag sang aktres nga si Janine Gutierrez nga handom niya nga makasulod sa mga international films kag magtrabaho kaupod sa mga direktor nga iya ginadayaw.

Lakip sa iya ginhingadlan nga mga direktor sanday Erik Matti kag Jerrold Tarog.

Wala man sang partikular nga dream role si Janine, apang luyag niya nga mangin kabahin sang mga Filipino films nga ginapakita sa international film festivals kag global streaming platforms.

Dugang pa sini nga luyag man niya nga magsulod sa film production sa palaabuton.

Isa sa iya mga una nga proyekto bilang producer amo ang paghimo sang documentary parte sa iya lola nga si Pilita Corrales.