Nakatalana nga magapatigayon sang defense kag forerign meeting subong nga adlaw ang Pilipinas kag Japan.
Ginalauman nga matalakay nanday Department of National Defense Sec. Gilberto Teodoro Jr., kag Secretary of Foreign Affairs Enrique Manalo nanday Japanese Defense Minister Kihara Minoru kag Foreign Minister Kamikawa Yōko ang isyu sa bilateral, defense kag security nga nakaapekto sa rehiyon.
Ini na ang ikaduha nga Philippines-Japan Foreign and Defense Ministerial Meeting kun sa diin ang nauna ginhiwat sa Tokyo, Japan sadtong April 2022.
Nauna na nga ginpahayag ni Armed Forces of the Philippines (AFP) Chief of Staff Gen. Romeo Brawner Jr., nga nagalaum siya nga mapirmahan na sa tunga sang Pilipinas kag Japan ang Reciprocal Access Agreement kadungan sang 2+2 meeting subong nga adlaw.
Suno kay Gen. Brawner, importante ang RAA bangud magabase ini sa pwersa sang Japan nga maghiwat sang military trainings kaupod ang Pilipinas.
