Japan, naka-ekperyensya sang ‘unprecedented rainfall’ nga nagresulta sang anum ka tao ang napatay

Nakaeksperyensya sang mabaskog nga pag-ulan ang Eastern Japan nga nagresulta sa malapnagon nga pagbaha kag landslide.

Suno sa mga otoridad, anum ka tawo ang napatay kag lima ang napilasan lakip sa mga napatay ang isa ka babaye nga nalumos sa sulod sang iya salakyan bangod sang baha.

Bangud sa peligro, masobra 100,000 ka residente ang ginpang-evacuate kag kapin 20,000 ka panimalay ang nadulaan sang kuryente bangod sang mabaskog nga ulan.

Sa Narita Airport malapit sa Tokyo, ginreport nga kapin 7,000 ka biyahero ang na-stranded sa bug-os nga gab-i.

Ginalauman nga magapadayon ang mabaskog nga pag-ulan tubtob Biyernes sang gab-i.