Nagbukas ang Iran sang posibilidad nga pasugtan ang mga barko halin sa Japan nga makaagi sa Strait of Hormuz, isa ka kritikal nga ruta para sa masobra 90% sang suplay sang langis sang Japan.
Sa pihak sang nagalala nga tensyon sa Middle East, kalakip ang mga inawayan sang Iran sa Estados Unidos kag Israel, nakipag-angot na ang Tokyo sa Tehran agud masigurado ang safety sang ila nga mga barko kag mapabilin ang tayuyon nga suplay sang enerhiya.
Suno sa mga opisyal, mahalungon ang Japan sa diplomasya sini agud indi ma-provocate ang iban nga pungsod nga may interes sa seguridad sang strait.
Ang nasambit nga tikang sang Iran ang nakita nga makabulig agud mabuhinan ang pressure sa merkado sang gatong kag mapabilin ang energy security sang Japan sa tunga sang krisis.
