Ginalantaw sang Japan’s Ministry of Land, Infrastructure, Transport and Tourism (MLIT) ang investment opportunities para sa Philippine real estate, suno sa Board of Investments (BOI).
Sa isa ka statement, ginpahayag sang BOI nga nakigsapol ang mga representatives gikan sa MLIT sa mga opisyal sang BOI para sa briefing sa Philippine real estate investment climate kag opportunities para sa Japanese developers kag investors.
Sa nagasanyog nga ekonomiya sini kag nagataas nga demand para sa residential kag commercial properties, ang Pilipinas ang nagapakita bilang isa ka makagalanyat nga destinasyon para sa Japanese real estate developers.
Ang MLIT, pinaagi sa Joint Network for Overseas Real Estate Business (J-NORE) program sini, naga-explore sang mga pamaagi agud padasigon ang expansion sang Japanese firms pinaagi sa pagbinuligay sang mga lokal nga gobyerno kag pagsabat sa institutional issues nga may kaangtanan sa overseas real estate industry.
Ang talakayan nakasentro sa pagpabaskog sa real estate development and management systems pinaagi sa pagbaylohanay sang impormasyon sa tunga sang Philippine kag Japanese governments kag sang private sector stakeholders.
Ang Colliers, ang nagapanguna nga real estate services firm, nagpakigbahin sang importante nga ihibalo sa Philippine real estate market, ginhatagan pagtamod ang trends, demand drivers, kag nagausbong nga investment hotspots.
Ginhatagan man pagtamod sa briefing ang mga positibo nga nagakahinabo sa merkado, partikular sa industrial sector, kag mga oportunidad para sa mga Japanese developer nga nagapangita sang strategic partnerships.
