Nakatalana nga magsambuwa sa bulan sang Disyembre si Japanese undisputed super-bantamweight world champion Naoya Inoue.
Suno sa kampo sini nga makaatubang niya si Australian boxer Sam Goodman sa Tokyo sa palaabuton nga Disyembre 25. Ang nasambit nga sambuwa sa Ariake Arena amu ang pangatlo nga hampang ni Inoue subong nga tuig.
Mahimo nga ini na ang ulihi niya nga hampang sa Japan bangud nakatalana ini nga magsambuwa sa Las Vegas sa masunod nga tuig. Ang 31-anyos nga si Inoue ang may 28 nga daog kag wala pa sang piyerde kag may 25 knockouts.
Ulihi nga hampang sini sang ginpiyerde niya si TJ Doheny sang Ireland sadtong nakaligad nga tuig.
Samtang ang 19-anyos nga si Goodman ang may record nga 19 ka daog kag wala pa sang piyerde nga may walo ka knockouts.
Ini naman ang pangatlo nga kahigayunan nga idepensa ni Inoue ang iya nga super-bantamweight title sumugod sang mangin undisputed champion sadtong Disyembre sang nakaligad nga tuig.
Siya man ang pangaduha nga persona nga nangin undisputed world champion sa duha ka magkalain-lain nga weights sumugod sang mag-umpisa ang four-belt era sadtong 2004 nga ang una amu si Terence Crawford ng US.
