Japeth Aguilar, nagretiro na sa paghampang sa Gilas Pilipinas

Ginhatagan sang pagkilala sang Gilas Pilipinas si Japeth Aguilar matapos nga magdesisyon nga magretire sa paghampang sa national basketball team.

Ang 38-anyos nga si Aguilar lang ang nabilin nga manughampang sang original nga Smart Gilas Pilipinas.

Matapos ang pagdaog nila batok sa Guam para sa first window sang FIBA World Cup Asian Qualifiers, ginpresenta sang mga opisyal sang Samahang Basketbol ng Pilipinas kay Aguilar ang naka-frame nga uniporme sini.

Ginakabig man nga ang hampang ni Aguilar sa Ateneo Gym ang isa ka homecoming bangud sa didto ini naghampang sang duha ka season.

Madumduman nga nangin Gilas Pilipinas player si Aguilar umpisa pa sang 2009.