Nagbiyahe na padulong sa India ang beauty queen nga si Jasmine Omay agud irepresentar ang Pilipinas sa Universal Woman 2025 pageant.
Gin-reschedule ang kompetisyon matapos nga ginpaisol sang Hunyo bangud sang tensyon sa tunga sang India kag Pakistan.
Si Omay ang gin-appoint bilang tiglawas sang Pilipinas sang Marso matapos nga na-disqualify si Sophia Bianca Santos bangud sa age requirements. Si Omay ang First Princess man sa Miss World Philippines 2024, samtang si Santos naman ang magapasakop liwat sa Miss Elite sa Egypt.
Madumduman nga ang isa pa ka Pinay nga si Keylyn Trajano, isa ka transgender model gikan sa Pampanga ang magapasakop man sa amo nga paindis-indis bilang tiglawas sang Arabia.
Sa subong, ang nagahari nga reyna amo si Maria Gigante, ang una nga Filipina nga nakakuha sang international crown, nga magabiya sa trono sa Agosto 10.
