Aksidente nga nabunggo ang isa ka jeep sa waiting shed kag poste sa Barangay Jaena Norte sa banwa sang Jamindan.
Ginkilala ang driver kay alyas “Isagani”, 69-anyos, isa ka retired Philippine Army kag residente sang nasambit nga lugar.
Sa interview sang Bombo Radyo kay PCPT Peter John Celino, Officer-in-Charge sang Jamindan MPS, ginpahayag sini nga una nga nabunggo sa waiting shed ang amo nga jeep kag nabunggo ini liwat sa isa ka poste sang Capelco.
Sandig sa imbestigasyon sang mga kapulisan, ang ginatudlo nga rason sang aksidente amo ang bangud sa naglupok nga goma sini sa nawala nga parte sang amo nga salakyan rason nga nadulaan sang kontrol sang manobela si Isagani.
Maswerte nga naluwas sa katalagman ang drayber kag ang tatlo sini ka mga pasahero.
