Pagkatapos nga nadula sang bug-os ang iya tuo nga mata, ang isa ka tag-iya sang jewelry store sa Alabama, U.S.A., namat-od nga i-personalize ang iya bag-o nga artipisyal nga mata paagi sa pagbutang sang diamond sa sini.
Si Slater Jones mahimo nga may pinakamahal nga prosthetic eye sa kalibutan. Pagkatapos nga madula ang iya tuo nga mata bangud sa isa ka malala nga balatian, ang pamatan-on nga lalaki nagpalapit kay John Lim, isa ka eksperto sa prosthetic sang mata, agud maghimo sang isa ka pinasahi nga artipisyal nga mata nga nagapakita gid sang iya identidad bilang isa ka manugdesinyo sang alahas.
Ang iya artipisyal nga mata may 2 carat nga diamante sa tunga sini. Ang pinasahi nga “Gem Eye” nagasilak kon masanagan, nga nagahimo sini nga isa ka garantisado nga makagalanyat sa mata bisan diin magkadto si Jones.
Ang diamond eye ni Slater Jones nakakuha sang madamo nga atensyon sa social media halin sang una niya ini nga ginpakita sa publiko sang nagligad nga pila ka bulan.
Ginpamatud-an ni Jones nga ang pagtilaw mahimo nga isa ka kahigayunan sa diin ginhimo niya ang isa ka kinahanglanon sa medisina nga mangin artwork kag inspirasyon, sa baylo nga magpapiyerde.
