Isa ka makasaysayan nga kadalag-an ang naangkon ni Jihan Dimachk sang Tanzania matapos ginkoronahan bilang Miss Grand International 2026 sa grand finals nga ginhiwat sa Bangkok, Thailand rason nga nagtapos ang paglaum sang Pilipinas nga makuha ang ikatlo nga sunod-sunod nga korona sa prestihiyoso nga beauty pageant.
Si Dimachk ang nagbulos sa Pinay beauty queen nga si Emma Mary Tiglao nga nagdala pauli sang korona sang 2025 matapos nga nagdaug man si Christine Juliane Opiaza sang 2024.
Nagtapos sa Top 25 ang stoner sang Pilipinas nga si Angelica Lopez matapos nga napaslawan nga makasulod sa Top 11.
Apang wala nakapauli nga nagahilibion ang beauty queen bangud nagdaug ini sang isa sa Best National Costume awards paagi sa iya outfit nga inspired sang isa ka witch sa isa ka Philippine folk tale.
Kaupod ni Jihan nga nagpangibabaw sa kompetisyon amo sanday Shyare Andrade sang Ecuador bilang first runner-up, Beau Megan Goos sang Netherlands bilang second runner-up, Ximena Carillo sang Guatemala bilang third runner-up, kag Emoura Pham sang Vietnam bilang fourth runner-up.
