Jimuel Pacquiao, ginpakaslan na ang iya long-time girlfriend nga si Carolina Pimentel sa USA

Ginpakaslan na ni Jimuel Pacquiao ang iya long-time girlfriend nga si Carolina Pimentel.

Sa social media post sang tiya ni Jimuel nga si Janet Jamora Jumalon, gin-share sini ang litrato sang seremonya sang kasal sang mag-asawa nga ginhiwat sa USA.

Makita man sa video ang mga uto ni Jimuel nga sanday Princess kag Quennie bilang bridesmaids.

Madumduman nga sang Nobyembre sang nagligad nga tuig, ginbun-ag ni Carolina ang ila anak nga si Clara.

Si Jimuel ang kamagulangan nga anak nanday Manny Pacquiao kag Jinkee Pacquiao.