ROXAS CITY – Ginbuhinan sang masobra 70 porsyento ang populasyon sang mga job orders kag contract of service nga nagatrabaho sa provincial government.
Ini ang ginkumpirmar ni board member Jonathan ‘Sonny’ Besa, chairman sang Committee on Appropriations sang Sangguniang Panlalawigan, sang mainterview sang Bombo Radyo.
Suno diri, nagikan sa masobra 2,000 ka mga casual employees sa nagligad nga administrasyon, sa karon may yara nalang sang 500 tubtob 600 ang ginpabilin, nga ginba-se man sa mga nagatrabaho sang matuod-tuod.
Isa sa rason sa pagbuhin sang mga casual employees suno kay Besa bangud igaprayoridad ang pag-hire sang mga doctors kag nurses kag pataasan ang mga sweldo sini, agud maka-compete man sa iban nga ospital sa probinsya.
Madula naman suno pa diri ang mga casual nga empleyado nga kensinas kag katapusan lang nagapakita.
Samtang, sa mga nurses nga wala makabaton sang ila sweldo sang nagligad nga tuig 2021, ginpahayag ni Besa nga sa tion nga maaprubahan ang 2022 annual budget, pagaswelduhan na ang mga in bangud kalakip diri sa pondo ang pagpasuweldo sa mga wala maswelduhan sang nagligad nga administrasyon.
