-- ADVERTISEMENT --
Nagsaka ang numero sang mga wala trabaho sa Pilipinas sang Enero 2026, nga naglab-ot sa 2.96 milyon, sandig sa report sang Philippine Statistics Authority (PSA).
Mas mataas ini kun ipaanggid sa 2.26 million sang Disyembre 2025 kag 2.17 million sang Enero 2025.
Bilang porsiyento sang 50.89 million ang aktibo nga participants sa labor force, ang unemployment rate yara sa 5.8%, pinakamataas umpisa sang Hunyo 2022.
Suno kay Deputy National Statistician Divinia Gracia del Prado, masami nga naganubo ang availability sang trabaho sa Enero matapos ang mataas nga labor demand sang holiday season.
