Nagpasugot na si anay NBA MVP Joel Embiid nga nagpirma sang contract extension nga magadugay sang tatlo ka tuig.
Suno sa report sang NBA, nakatalana nga magapirma ang bigman sang Philadelphia 76ers sang $193 million maximum contract extension.
Nasulod sa nasambit nga kontrata ang player option para sa 2028-2029 season.
Samtang, sa separado nga pahayag ginhambal sang Sixers star nga luyag niya nga magpabilin sa Phila sa kabug-usan niya nga karera.
Suno kay Embiid, madamu pa ang kinahanglan niya nga himuon sa grupo.
Sa nakaligad nga offseason, nahimu sang Philadelphia nga kuhaon si Paul George kag nagpirma sang $212 million contract.
Una naman nga pumirma sang extension si Tyrese Maxey nga nagabalor sang $204 million.
Sa pagbukas sang season, magkaupod na ang big-3 sang grupo nga nanday Embiid, CP3, kag Maxey, isa sa mga nakikita sang mga NBA analysts nga mangin dako ang pagpaandam sa Eastern Conference.
