Ginsuspendir sang isa ka tuig sang Japan Boxing Commission (JBC) si Pinoy boxer John Riel Casimero.
Ginpapanaog ang nasambit nga penalidad sa anay three-division champion matapos nga napaslawan nga maangkon ang insakto nga bug-at sa iya sambuwa batuk kay Saul Sanchez.
Sa nasambit nga sambuwa may ara lamang nga limit nga 122-pound para sa super bantamweight apang lapaw sang isa ka kilo ang bug-at ni Casimero.
Bilang proseso, ginhatagan ini sang duha ka oras para madula ang sobra nga bug-at apang wala sang nabag-o.
Suno kay Tsuyoshi Yasukochi ang JBC official nga base sa ila nga ruling pagabawalan si Casimero sa Japan sa sulod sang isa ka tuig.
Matandaan sa nasambint nga sambuwa, gin-knockout sang Pinoy boxer si Sanchez sa sulod lamang sang isa ka round.
May record si Casimero nga 34 ka daog, apat nga piyerde kag isa ka draw kag may 23 knockouts.
