Gin-alokar na ang Johnson and Johnson COVID-19 vaccine sa mga local government units (LGU’s) sa bug-os nga probinsya sang Capiz.
Sa interview sang Bombo Radyo kay Mr. Joeffrey Espiritu, Development Management Officer IV kag Public Information Officer sang Department of Health (DOH) – Capiz, suno diri nga talapud nga gin-alokar sa 16 ka mga kabanwahanan, syudad sang Roxas kag Provincial vaccination site ang nag-abot nag 30,000 doses sang nasambit nga bakuna.
Sa nasambit nga doses, 900 doses ang gin-alokar sa banwa sang Sapian, tag-1,200 doses diri ang ginpa-in sa kabanwahan sang Cuartero, Dao, Dumalag, Ivisan, kag President Roxas, tag-1,500 doses naman sa banwa sang Jamindan, Maayon kag Mambusao, tag-1,650 doses ang gin-alokar sa mga kabanwahanan sang Dumarao, Pilar kag Pontevedra, samtang, 1,800 doses naman sa Tapaz, 2,400 ang ginpa-in sa Provincial vaccination site kag 5,100 doses naman ang gin-alokar sa Roxas City.
Nahibaluan nga ang Johnson and Johnson COVID-19 vaccine ang may yara gid lamang sang one dose kag may efficacy rate nga 66.9%, santu sa pagtuon sang mga medical experts.
Sa karon, may yara na sang kabug-osan nga 67,264 vials sang Sinovac, AstraZeneca, Pfizer kag Johnson and Johnson vaccine ang nag-abot sa Capiz kun sa diin may yara ini sang 110,908 ka mga doses.
Tinguhaan man nga malab-ot ang target sang mga indibidwal nga yara sa idalom sang A1 (healthcare workers), A2 (Senior Citizen) kag A3 (adult with comorbidities) antes magsugod sa pagbakuna sa iban nga priority groups.
Ginalauman naman ang posible dugang pagid nga magaabot nga vaccine sa masunod nga bulan.
