Ginaduso sa karon sang Department of Migrant Workers ang programa nga joint monitoring system sang Pilipinas para sa mga Pilipino nga nagatrabaho abroad.
Kalakip sa plano nga ini ang Kingdom of Saudi Arabia nga tinutuyo nga mas pasanyugon kag pabaskugon ang pagtutok sa mga Overseas Filipino Workers (OFW).
Sa isa ka pahayag ginpakigbahin mismo ni Undersecretary Patricia Yvonne Caunan sang Department of Migrant Workers, nga nakapokus ang departamento sa paghimo sang isa ka monitoring framework nga magaprotekta kag magatan-aw sa mga Pilipino nga mamumugon.
Apang ginbida na sang pungsod Saudi Arabia ang bag-o sini nga digitized monitoring system, ginhatagan pagtamud sa gihapon ni Undersecretary Patricia Yvonne Caunan ang importansiya sang mas ginapasangkad nga koordinasyon sa tunga sang duha ka pungsod.
Ginbida sang Saudi Arabia ang ila digital ukon application-based nga monitoring, kag suno diri nga luyag nila nga mag-angkon sang better coordination,’
Ginalauman naman sa mga masunod nga domingo ang matabo nga mga paghinun-anon kaupod ang kabulig nga pungsod agud iplastar kag ipasa ang plano sa programa nga joint monitoring framework sang nasambit nga ahensya.
