Wala sa gihapon nagakadula ang kalangkag sang Filipino-American NBA player nga si Jordan Clarkson nga mapilian liwat nga maghampang sa Gilas Pilipinas.
Daku suno sa iya nga kadungganan ang mapilian bilang humalampang sang kaugalingon nga pungsod.
Indi naman bag-o sa Gilas si Clarkson bangud nagpaindis-indis ini sa 2023 World Cup of Basketball nga ginhiwat sa nasambit nga pungsod.
Nangin pamilyar man ini sa karon nga coach sang Gilas nga si Tim Cone bangud siya ang assistant coach ni Chot Reyes.
Gindayaw ni Clarkson si Cone sa iya maayo nga komunikasyon kag sa iya koneksyon sa mga humalampang.
Ginapanindugan niya nga ang pagkapili nga maghampang sa Gilas isa ka daku nga kahigayunan.
Sa subong, nagalaum pa ini nga mangin isa sa mga naturalized players sang Gilas bangud sa restrictions sang FIBA.
