Gin-appoint si Jose Luis Montales bilang bag-o nga Senate secretary kasunod sang pagbiya ni Mark Llandro Mendoza sa posisyon.
Si Montales amo ang anay House Secretary General sang nangin Speaker sang Kamara si Senate President Alan Peter Cayetano kag nangin administrador man sang syudad sang Taguig.
Gin-nominate ni Acting Senate Majority Leader Joel Villanueva si Montales para sa nasambit nga posisyon kag wala naman sang senador nga nagpamatok sa iya nominasyon.
Ginpatigayon ang pagboto pinaagi sa viva voce voting kag gilayon nga nagsumpa si Montales sa atubang ni Cayetano.
Suno kay Cayetano, gin-engganyo nila si Mendoza nga magpabilin sa pwesto apang boluntaryo ini nga nag-resign sa posisyon.
Matandaan nga nagbukas liwat ang sesyon sang senado kahapon nga adlaw bilang impeachment court para sa kaso nga ginapangatubang ni VP Sara Duterte.
