Wala naman nakapalagyo sa mga netizens ang aktor nga si Joshua Garcia matapos natalupangdan nga wala na naka-follow sa Instagram ang mga account nanday Vice President Sara Duterte kag Senador Alan Peter Cayetano.
Nag-ugat ini sang natalupangdan sang mga netizens ang daw kaangay nga pag-repost sang aktor sang pila ka TikTok videos nga may kaangtanan sa impeachment proceedings batuk sa Bise Presidente nga kalabanan ginhimo ni DDS ukon (Diehard Duterte Supporter).
May mga netizens man nga nagkomento sa posible nga panan-awan sang aktor sa pulitika, samtang ang iban naman ang nagsiling nga ang social media following list ang indi bastante nga basehan agud mahibaluan ang panindugan sang isa ka tawo.
Sa subong, wala pa sang pahayag gikan sa kampo ni Joshua samtang nagapadayon ang mga espekulasyon nga posible isa man ini ka DDS.
Bukas naman ang Bombo Radyo para sa side sang kampo sang aktor.
