MANILA, Philippines – Magabakal sang dugang nga 3.32 milyon ka kilo sang dahon sang tabako ang JTI Philippines bilang kabahin sang tikang para masolbar ang sobra nga produksyon ukon oversupply sa industriya sang tabako.
Suno sa JTI Philippines, ang pagbakal kabahin sang ila regular nga procurement program kag magabulig sa pagbalhin sang sobra nga suplay sa merkado.
Ang ginbakal nga volume nagarepresentar sang kapin duha ka katlo sang ginabanta nga sobra nga produksyon sang tabako sa sini nga tuig.
Wala naman ginpahayag sang kompanya kon pila na ka kilo sang lokal nga tabako ang ila nabakal antes sini nga dugang nga procurement.
Nag-abot ang anunsyo sang JTI matapos ang nagpagwa sang tobacco traders nga baklon ang tanan nga lokal nga na produce nga Virginia tobacco leaves sa makatarunga nga presyo.
Sang nagligad nga bulan, ginpahayag ni National Tobacco Administration “NTA”, Administrator Belinda Sanchez nga nagkasugtanay ang mga trading companies kag cigarette manufacturers nga baklon ang tanan nga flue-cured Virginia tobacco leaves nga ma produce sa sini nga season, suno sa aprubado nga floor prices.
Ini ang resulta sang miting sang Marso nga nagtumong sa pagsolbar sang posible nga “stop-buying” crisis tungod sa sobra nga suplay sang lokal nga tabako.
Suno sa NTA, ang ginatantya nga 5 milyon ka kilo nga supply naghalin sa nagadamo nga mga noncontracted tobacco farmers nga nagatanom sang traditional nga Virginia tobacco varieties.
Kadugangan man ang produksyon bangud sang kusog nga suporta sang mga lokal nga panguluhan nga nag-engganyo sa mga mangunguma nga padakuon ang ila tanuman matapos ang mabaskog nga demand sa nagligad nga duha ka trading seasons.
Ang ginatantya nga produksyon subong mas mataas sang 27 porsyento kumpara sa 18.05 milyon ka kilo nga Virginia tobacco leaves nga orihinal nga gin-commit sang mga trading companies kag cigarette manufacturers para sa 2026 trading season.
Ginpabutyag man ni Sanchez nga padayon ang NTA sa paghimo sang mga pamaagi agud malikawan ang amo sini nga sitwasyon sa masunod nga mga tuig.
Nahibaluan isa sa ila ginatan-aw nga solusyon amo ang pagbalhin nagikan sa traditional nga mga klase sang tobacco pakadto sa temprano nga pagtanom sang mas ginpaayo nga Virginia tobacco varieties.
