Nagtaliwan na si Judge Frank Caprio, nga kilala bilang “nicest judge in the world,” sa edad nga 88 bangud sa pancreatic cancer.
Suno sa opisyal nga pahayag sa iya Facebook page, matawhay nga nagtaliwan si Caprio matapos ang malawig kag nga pagpakigbato sa balatian.
Si Caprio kilala sa iya kaluoy, pagkamapainubuson, kag pagpati sa kaayo sang tagsa ka tawo.
Nakilala siya sa programa nga “Caught in Providence,” sa diin nag-viral ang mga video sang iya makatawo nga pagtratar sa mga nagpalapit sa korte.
Sang Disyembre 2023, ginpaambit ni Caprio ang iya pagdayagnos sang kanser sa social media kag nagpangayo sang mga pangamuyo gikan sa publiko.
Apang sang Mayo 2024, natapos niya ang iya radiation treatment apang may setback kag naospital liwat.
Madumduman nga si Caprio nag-alagad bilang isa ka hukom sa korte sang munisipyo sa Providence, Rhode Island halin 1985 tubtob 2023. Magluwas nga isa ka hukom, isa man siya ka manunudlo, amay, lolo, kag maayo nga abyan.
Pila ka bulan antes siya mapatay, ginbalhag niya ang libro nga Compassion in the Court: Life-Changing Stories from America’s Nicest Judge, sa diin ginpaambit niya ang importante nga mga leksyon parte sa kaayo kag paghangop sa iban
