Tuman pa nga nagbaskog si Bagyong ‘Julian’ nga yara sa kategorya nga severe tropical storm, suno sa state weather bureau nga PAGASA.
Mahibaluan ulihi nga nasiplatan si Julian sa kalayuon nga 305 km nasidlangan nga bahin sang Aparri, Cagayan kag hangin nga may kabaskugon nga 95 kph kag pagmadlos nga magalab-ot sa 115 kph, suno sa tropical cyclone bulletin sang Philippine Atmospheric, Geophysical and Astronomical Services Administration (PAGASA).
Bangud sini, nakabatak na Tropical Cyclone Wind Signal (TCWS) No. 2 sa naaminhan-nasidlangan nga bahin sang Mainland Cagayan (Santa Ana) kag nasidlangan nga bahin sang Babuyan Islands (Camiguin kag Babuyan Islands).
Samtang, ang Batanes, ang nabilin nga bahin sang Cagayan, Babuyan Islands, Isabela, Apayao, Abra, Kalinga, nasidlangan kag sentro nga bahin sang Mountain Province (Natonin, Paracelis, Sadanga, Barlig, kag Bontoc), nasidlangan nga bahin sang Ifugao ( Aguinaldo, Alfonso Lista, kag Mayoyao), Ilocos Norte, ang naaminhan sang Ilocos Sur (Sinait, Cabugao, San Juan, Magsingal, Santo Domingo, Bantay, San Ildefonso, kag San Vicente), Aurora (Dilasag, Casiguran).
Paandam sang state weather bureau ang pinakamataas nga tropical cyclone wind signal bangud kay ‘Julian’ nga naglab-ot sa Signal No. 4.
Dugang pa sang PAGASA nga may yara sang tsansa nga
rapid intensification, kag wala ginadula ang posibilidad nga maglab-ot sa kategorya nga super typhoon’ si bagyong ‘Julian’.
