Ginkumpirma ni Gilas Pilipinas star June Mar Fajardo nga permanente na ini nga magaretiro sa paghampang sa national team.
Ginpahayag ni Nto nga ang hampang sang Gilas Pilipinas kun sa diin ginlutos nila ang Iran sa score nga 68-56 amo ang katapusan niya nga pagsuksok sang uniporme sang Gilas Pilipinas.
Humalin sang 2013, yara na sa Gilas ang tumandok nga Cebuano kon sa diin ang head coach sini amo si Chot Reyes.
Sa iya katapusan nga hampang, nakarekord sia sang anum ka puntos, duha ka rebounds sa sulod sang pito ka minutos nga hampang.
Si Fajardo ang siyam ka beses nga Most Valuable Player sang PBA.
Ginpasalamatan sini ang iya mga fans nga nagsalig kag nagsuporta sa iya sa paghampang sa Gilas Pilipinas.
Sa subong nakatutok na siya sa paghampang para sa San Miguel Beermen sa PBA.
