Ginpanindugan ni Mauricio Domogan, vice chair sang justice panel, nga may nahimo nga impeachable offense si Sara Duterte.
Ginpahayag ini samtang yara pa sa plenaryo sang Kamara ang consolidated articles of impeachment batuk sa bise presidente.
Suno kay Domogan, klaro sa mga hearing sang House Justice Committee ang mga alegasyon batok kay VP Sara, lakip na ang betrayal of public trust kag culpable violation of the Constitution.
Lakip man sa ginareklamo ang indi pagsanto sang iya bank records kag sang iya ginpahayag nga Statement of Assets, Liabilities, and Net Worth (SALN), kag iban pa nga isyu.
Dugang pa niya, wala sang ginpakita nga tikang ang kampo sang bise presidente agud ipanginwala ukon kuwestyunon ang mga alegasyon bisan ginhatagan ini sang kahigayunan sang komite.
Santang, Ginaplano sang Kamara nga talakayon sa plenaryo ang reklamo batok kay VP Sara sa Marso 11, kun sa diin kinahanglan ang isa ka-katlo nga boto sang mga miyembro agud magpadayon ang impeachment.
