Ginpaandaman ni Justice Secretary Jesus Crispin Remulla si Timor-Leste President José Ramos-Horta nga mahimo nga magbalhin sa ila nga pungsod ang Philippine offshore gaming operators (POGOs) matapos nga gin-ban ini sa Pilipinas.
Mahibaluan nga nagbisita ang tiglikom sa Timor Leste kun sa diin personal niya nga nakaatubang si President Ramos-Horta.
Isa sa mga gintalakay sini amo ang mensahe nga luyag ipalab-ot ni President Ferdinand Marcos Jr. nga opisyal nga ginbawal sa Pilipinas ang POGO gani mahimo nga ang Timor-Leste ang target nga pagabalhinan sang mga ini.
Kalakip man nga gintalakay ang security issues kag ang extradition sang ginsipa nga mamamalidha nga si Arnolfo Teves Jr.
Nagalaum naman si Remulla nga magakooperar ang Timor-Leste agud dalayon nga mabalik si Teves sa Pilipinas.
