Ginpangalanan sang Palasyo Malacañang si Justice USec. Jesse Hermogenes Andres bilang bag-o nga chairman sang Energy Regulatory Commission (ERC).
Ini matapos ang pila ka semana nga suspendihon si anay ERC chair Monalisa Dimalanta nga sa karun nagapangatubang sa mga kaso nga grave misconduct sa Office of the Ombudsman.
Ang pagtalana kay Andres ang gilayon nga mangin epektibo tubtob matalana ang iya kabaylo ukon tubtob sa mandato sang Ombudsman base sa memorandum nga ginpirmahan ni Executive Secretary Lucas Bersamin.
Suno kay Exec. Sec Bersamin, gintalana si Andres bilang OIC kag chief executive officer sang ERC agud masiguro nga mapadayon kag epektibo nga madul-ong ang mga serbisyo para sa publiko.
Matandaan nga ginsuspendi sang Ombudsman si Dimanlanta matapos magpasaka sang reklamo ang National Association of Electricity Consumers for Reforms Inc. (Nasecore) nga nag-akusa sa iya sang grave misconduct, grave abuse of authority kag iban pa bangud sa pagpahanugot sa Meralco nga direkta nga magbakal sang kuryente nagikan sa Wholesale Electricity Spot Market kag ginpasa ang charges sa mga kustomer nga wala naghinyo sang approval nagikan sa ERC board.
