Ginkumpirmar sang singer kag actor nga si Justin Timberlake nga na-diagnose siya nga may Lyme disease pagkatapos sang iya “Forget Tomorrow” world tour sang Hulyo 30.
Suno sa singer, naka-eksperyensya ini sang grabe nga nerve pain, kakapoy, kag iban pa nga sintomas samtang yara sa stage rason nga nagpakonsulta ini sa doktor.
Ang Lyme disease isa ka impeksyon sang bakterya nga ginapalaton paagi sa kagat sang isa ka infected nga tick, kag mahimo nga makatuga sang mga sintomas nga kaangay sang flu-like symptoms, arthritis, at neurological issues.
Ginabulubanta nga 476,000 ka tawo ang ginabulong para sa balatian nga Lyme sa Estados Unidos kada tuig, suno sa Centers for Disease Control and Prevention.
Bisan pa nga wala ginpaambit ni Timberlake ang mga detalye sang iya pagbulong, ginpahayag sini nga ginpili niya nga ipadayon ang paglibot bangud sa kalipay sa pag-perform.
Nagpanawagan ang singer para sa mas daku nga paghangop sa balatian kag nagalaum nga makabulig sa iban paagi sa iya pagpaambit.
