MANILA, Philippines – Isa ka juvenile nga Philippine Eagle ang nakita sa Panigan-Tamugan Subwatershed sa Davao City sa idalom sang habitat assessment nga ginpatigayon halin Mayo 5 tubtob Mayo 8.
Suno sa assessment team gintugyan sang personnel sang Department of Environment and Natural Resources – CENRO Davao City, biologist sang Philippine Eagle Foundation, Public Safety and Security Office, kag miyembro sang Obu – Manuvu Indigenous Peoples community sang Tambobong.
Nakita ang agila nga nagapahauway sa tunga sang madamo nga kahoy sa subwatershed kag padayon nga naobserbahan sa monitoring site sa bug-os nga tion sang aktibidad.
Bilang kabahin sang mga obserbasyon, ginbutangan sang tracking tag sang Philippine Eagle Foundation ang agila agud masundan ang iya ginakadtuan para sa mabaskog nga pagtuon sang padayon nga kahimtangan sang populasyon sini.
Sa nahauna na nga sightings sang Philippine Eagle sa amo nga lugar sang 2024 tubtob 2025 sa idalom sang biodiversity kag critical habitat assessments.
Pahayag pa sang otoridad, ang padayon nga pagkakita sang Philippine Eagle sa lugar nagasuporta sa proposal nga ideklarar ini bilang critical habitat sang critically endangered nga species.
Nahibaluan nga naglab-ot sa masobra 2,964 hectares nga conservation area sa sulod sang Panigan-Tamugan Subwatershed nga kilala bilang isa sa pinakaimportante nga ginakuhaan sang suplay sang tubig sa Davao City.
