Ginkondena sang Kabataan Party-list Panay ang plano nga palawigon sa lima ka tuig ang termino sang mga barangay kag Sangguniang Kabataan officials, lakip na ang pagpostpone sang BSKE elections.
Sa interview sang Bombo Radyo kay Arlie Bosque, Secretary General sang Kabataan Party-list Panay, iya ginpahayag nga ang amo nga tikang nagapakita lamang sang korapsyon kag indi ini dapat pagsuportahan.
Ginalauman ni Bosque nga indi na pagpalawigon ang termino sang mga barangay kag SK officials kag ipadayon ang BSKE nga natalana sa Nobyembre sini nga tuig.
Nahibaluan nga na-aprubahan na sa third kag final reading sang House of Representatives ang House Bill No. 10971 nga nagatuyo nga palawigon sa lima ka tuig ang termino sang mga barangay kag SK officials.
Yara sa 211 ka kongresista ang nagboto pabor nga palawigon ang termino sang mga opisyal sa Barangay kag 13 ang nagpamatok kag isa ang nag-abstain.
